Ich bin de Jamie und ha sit letztem August es neus dihei bi de Sabine und em Jim. Jetzt sind mir est mal so richtig on the road gsi, mit em Auto id Normandie und Bretagne. Ich ha kei problem gha mit em lang Autofahre, bi eifach hinde inne glägge und ha gschlafe. Tolli Sache hani erläbt ! Uf höche Kalkfelse bin i gloffe, und ha chöni ufs Meer abe luege. Am meiste Freud hani gha, woni so richtig ha chöne a dene grosse Stränd umespeede! Sogar im Touristezügli hani dörfe mitfahre. Ich han natürli immer welle wüsse, was hinder jedere Muure isch, bin halt e Gwundernase. Ich han soga es Loireschloss vo inne dörfe aaluege, aber i dem tolle Garte wäri scho no gärn länger blibe. Ich ha keis Problem gha, das mir fast jede Tag neumed anderst gschlafe händ, well ich ha mis Bettli immer debi gha. Has gnosse die Ferie mit minere Familie, aber jetzt freu ich mich uf min Garte dihei. “