Bonjour us Frankriich und falls ihr mich nüm erkännet will ich so gwachse und wunderschön worde bin, ich bins de Cewus Ich därf mit minere Familie dSummerferie mit em Feriebus, so nännet das Gfährt mini 2 zweibeinige „Schwöstere“, im schöne Frankriich an de Atlantikküste verbringe sMeer findi zwar nonig ganz soo lässig wie immer alli verzellt händ, han scho paar mal en Schluck probiert aber fein isch definitiv anderscht und die Welle sind so e Sach für sich… trotzdem probier ichs täglich us will dAbküehlig tuet scho guät Bi Löcher in Sand puddlä, da bin ich definitiv unschlagbar…für was brucht mer scho es Schüffeli wenn mer so Pfote hät wie ich?! Soodeli ich muän jetzt wieder die Surfer go beobachte han eu allne vom Hof Rafael eifach mal gschnell welle mitteile, dass es mir super gaht, ich scho viel han därfe lerne und erlebe und ich mich super wohl fühl in minere Familie und sie mich uuu fescht lieb händ